Drag down for English
مساء الخير كيف امسيتو
بالنسبة لكمية الاسئلة البتجيني عن الحرق الليلة حوريكم كل شي بخص الغدة الدرقية ومنو حتعرفو التحاليل البتوريك اذا خاملة ولا نشطة ما بس تحليل الTSH البمشوكم بيهو جيبو ورقة وقلم عشان تعملو مخطط والكلام يتفهم https://t.co/4XM5LBWl6C
الغدة الدرقية هي الحاكمة للجسم كلو وليها علاقة باغلب الامراض الجلدية والمناعية لانها ما بتشتغل براها
نبدا ببداية شغل الغدة: المسؤول الكبير الفي المخ اسمو hypothalamus بالعربي اسمو تحت المهاد بطلع هرمون TRH والهرمون دا ما بيقدر يوصل للغدة الدرقية فبمشي لغدة تحتو اسمها
pituitry gland(الغدة النخامية)
والغدة دي بتطلع هرمون ال TSH يلا الهرمون دا بمشي للغدة الدرقية والغدة الدرقية بتنتج تلات هرمونات احنا في كلامنا دا حنركز على هرمون T3 - T4 الهرمون التالت مالنا شغل بيهو المهم لمن الهرمونين ديل يطلعو برسلو اشارة للغدة النخامية توقف انتاج ال TSH
فاصل عشان اوريكم هرمونات الغدة الدرقية بتنتج كيف: الغدة الدرقية بتمتص من الدم اليود وتيروسين وبتحتاج فيتامينات(A, C, E, D, B complex) ومعادن( زنك، مغنيسيوم، حديد، كالسيوم، سيلينيوم)
نكمل: هرمون ال T4غير نشط (هو نفسو دوا الغدة البدوكم) وهرمون ال T3 نشط يلا الهرمونين ديل عشان يمشو
لشغلهم ويحرقو بحتاجو تكاسي لتوصلهم التكاسي دي اسمها TBG
فاصل تاني: التكاسي ديل عندها حاجات بتاثر في انها تطلع:
- الكورتيزول
- حبوب منع الحمل(فيها استروجين)
- حليب البدرة والصويا(فيهم استروجين)
- مشاكل في الكبد(لان التكاسي بتطلع من الكبد)
نكمل:ال T4 قبل يبدا شغلو بمشي للكبد
