هادا الثريد حيساعدك لتطوير البزنس تبعك بشكل كبير وكتير من أصحاب البزنس والمسوقين ما بيعرف هادا الكلام أو ما بيهتمله، الاشي الي ححكي عنه هو Social proof وفي هادا الثريد حتعرف مفهومه وكيف ممكن تنفذه باحترافية.

شارك الثريد حتى يستفيد أكبر عدد ممكن من المهتمين ❤️

#mkt_art https://t.co/VsSIJknnlx

حتى يوضح مفهوم Social proof حذكر مثال عليه، تخيل انك بدك تزور مطعم وانت في منطقة جديدة وما بتعرف المطاعم، ووصلت لمنطقة فيها مطعمين أحد المطعمين واقف عنده ناس كتير والمطعم التاني عنده عدد أقل، حتختار أي مطعم؟ .. أكيد بتختار المطعم الي عنده عدد أكبر من الناس وبتثق فيه أكتر ...

وهادي طبيعة الانسان في كل مكان بيثق في الاشي اذا شاف في اقبال من الناس عليه.

هادا هوا Social proof يعني انت بدك تخلي الشخص الي ما تعامل معك ولا مرة (يعني مش زبونك) يصير زبونك ويتعامل معك دايما لانو أهم اشي تجذب الزبون مرة لتجربة خدمتك وبعدها خدمتك بتخليه يقرر يرجعلك ولا لاء.

طيب كيف تعمل Social proof؟

#أول_طريقة هي التقييمات على خدمتك، حتى تعرف أهمية الموضوع اسأل حالك كم مرة اشتريت من مطعم أو اشتركت بخدمة معينة بدون ما تقرأ التقييمات على الموقع او عالاقل تعليقات الناس عالسوشيال ميديا ...

"طبعا اكيد مش حتدور عالتقييمات لو كان سعر الاشي الي بتشتريه قليل كتير" لكن حتدور عليها لو كانت الخدمة سعرها متوسط أو مرتفع.

بتقدر تطبق الطريقة الأولى من خلال عدة أمور:

١- ضيف خانة في الموقع تطلب فيها من العميل التقييم بعد الطلب بشكل مباشر.