- ثريد

الطوالع في الخريطة الميلاديه ? https://t.co/pw3wnGD9EO

طالع الحمل?:

عادة طوالع الحمل لو مافي كواكب او اتصالات تعكس صفاتهم الاصلية يكونون عفويين وصريحين واندفاعيين جدًا ، دمهم حار وانفعاليين لكنهم مو حقودين ابد ، ماعندهم خوف من المواجهات بشكل عام لذلك ممكن البعض يصفهم بالهجومية لكن بكل بساطة هم مايخافون من المواجهة والدفاع عن نفسهم

كلامهم دايمًا فيه ذكاء ومراوغة خصوصا بالنقاشات لكن يعيبهم انهم فاقدين لبعض المهارات الاجتماعية مو قادرين يتلونون عشان يندمجون مع المجتمع شعارهم تتقبلوني بعفويتي او اهرب من هذا المكان وانغلق على نفسي ، يكونون هادين جدا لما يجلسون بمكان مليان نفاق ومجاملات وتلوّن لانه مو من طبعهم

في علاقاتهم العاطفية ولو ماكان فيه مواقع تعكس هالشي راح يكونون طفوليين ومتسرعين بدخول العلاقات العاطفية ، برضو في الحب يكونون عنيدين ومزاجيين ومكابرين ، ممكن يكون اخر شخص يفكر يتزوج لانه لما يجي الوضع للارتباط الجدّي والزواج يفكر مليون مره ويظهر منه جانب متردد ومنافي لطبيعته

ممكن دلالة ع انه بيتم التأثير على رأيه تجاه الزواج او بيتخذ قرارات خاطئة تجاه موضوع الزواج بسبب تأثير خارجي ع افكاره ، بالرغم من ان لما الناس اللي يتكلمون معاه لاول مره بيلاحظون شخصيته العفوية الصريحة الا انه من بعيد ينشاف ك شخص ثقيل وجامد وعملي وبيخافون الناس يتعرفون عليه