So this happened...

عدتها كاملة على pixel grid لأنه أنا perfectionist وما عندي حياة، هلأ رح أعرف أنام بالليل؟ لأ ?

المهم، أبعادها ٨٠*٢٠ سم، وبطلع فيها أكتر من ٢٠٠ ألف غرزة

كتصميم أخدت مني حوالي ٤٠ ساعة، كتطريز رح تاخد سنة، فإذا حدا عنده ميول تعذيب نفس يبعتلي أعطيه الباترن ✌️ https://t.co/z54S1xdDlc https://t.co/w4FV0AvHTF

رح أحكي شوي عن كل مدينة بالثريد

رام الله من أكتر المدن شهرة بالتطريز، لأنه نسائها ما كانوا يعملوا بالزراعة، الأثواب تبعتهم كان يغلب عليها اللون الأبيض والتطريز الأحمر، وكانوا يبدعوا بنقلات من نباتات محيطة مثل الدوالي والورد، وكذلك حيوانات زي الديوك والطيور https://t.co/pgD1oBIDrI

الخليل اشتهرت بالأثواب الملونة، كانوا يصبغوا الكتان بنيلة زرقا فبصير كحلي زي الجينز بالزبط

التطريز كان ملون كثير وعندهم شجر ونباتات وجبال من طبيعة المنطقة https://t.co/W6SZTXgZhN

غزة تنوعت باستخدام الأقمشة الملونة والتطريز الملون بألوان غير اعتيادية زي الزهري والبنفسجي

كانت نقلاتهم مأخوذة من الطبيعة المحيطة كونها على الساحل، مثل أمواج البحر والسفن https://t.co/XMdLV9V26g

بيت لحم مشهورة بكثرة المجتمع المسيحي، كان الثوب عندهم لازم يحتوي صلبان حتى ينعرف انه البنت مسيحية من غير ما تسأل، ألوانه مبهجة ومنوعة https://t.co/NRuq2wEGKb