هثبت الثريد ده, وهحط تحته كل الموضوعات الي هتكلم عنها في البرفانات علي هيئة Threads فرعية علشان اسهل الوصول لكل حاجة قولتها.

مش هوصيكم بقي ع التشجيع لو استفدتم من اي معلومة هنا ? https://t.co/KMtSDwHKVC

ثريد عن البرفانات الاوريجنال وازاي تفرق بين الاصلي والمضروب

لو استفدت من الثريد ده عندي طلب منكم:

دا هيبقي الثريد الوحيد الي هطلب إنه يتعملو ريتويت ..

لأن ناس كتير للأسف بتدفع مبالغ كبيرة في برفانات مضروبة متسواش ٣٠ جنية وفيها خطر علي صحتها https://t.co/YPSj1UUH5f

هكتب في الاول النقط الي هيغطيها الثريد عشان ارتبلك أفكارك:

1- ازاي تعرف بشكل مبدأي انك بتتعرض لعملية نصب .. "الاوتليت اشهرهم."

2- مواصفات البرفانات المضروبة

3- خطورة استعمال البرفانات المضروبة عليك وعلي كل الي حواليك

4- كلمتين عن تجارة البرفانات الاوريجنال في مصر

1- ازاي تعرف بشكل مبدأي انك بتتعرض لعملية نصب

اختاااااه احذرررررري

مبدئيا وخبط لزق كده، مفيش حاجة اسمها برفيوم اوتليت من أساسه .. دي كلمة بيستعملها النصابين عشان يبيعو بضاعة مضروبة وتعالو اقولكوا بيضربوها ازاي:

1

الازايز دي بتبقي عبارة عن ازايز اوريجنال فاضية ملمومة من الزبالة او شاريينها من علي مواقع زي ebay لناس بيبيعو الازايز الفاضية لكذا سبب؛

• هواية جمع الازايز

• هواية صناعة العطور

• تقسيمات في ازايز خارجية وحابين يحطوها في ازازتها الاصلية "هنبقي نتكلم في موضوع التقسيم بعدين"

2