الأسعار هتزيد .. والتضخم هيزيد .. وكل حاجة هتولع تاني .. والسبب مش سوء إدارة بالعكس هو مدرك كويس هو بيعمل إيه .. ولا سببه قلة موارد .. لأنه أيام مبارك مدخلتش كمية المليارات دي وحالنا أيامها كان أحسن من دلوقتي مليون مرة .. الفكرة باختصار إنه ده واحد الآتيتود بتاعه كده ..

هو مستكتر عليك العيشة اللي عايشها .. بالنسبالة إزاي يبقى معاك موبايل وحاطه على ودنك ليل ونهار لأ (ده اللي بيكلم هيدفع واللي بيسمع هيدفع) وعندك عربية (أنا بشوف العربيات مالية الشوارع لأ ادفعو بقى) وإزاي بناكل (في يوم اللي بتاكله شعوب في سنة) .. دي كله كلامه على فكرة

تعليمك محتاج ١٥ سنة عشان يتطور .. وحياتك متسواش ١٠ مليار هيتحطوا في بنك ويجيبوله ٢ مليار فايدة .. وشغلك آهو عربية خضار مستنياك .. هيعصر فيك، ويفعص فيك، عشان تفضل يادوب على حد الكفاف..لأنه اللي زي ده يتجنن لو ربنا بسطها عليك حبتين..ده غير سؤاله المتكرر للناس في المناسبات بتقبض كام

كل ما هترتاح شوية هيخترعلك مسميات لضرايب وصناديق علشان يمص دمك أكتر وأكتر، وأي فرق مستقبلي يصب لصالح رفاهيتك هيتقص منك في صورة ضرايب وقيمة مضافة ورفع للدعم وصناديق واللي هتاخده باليمين هياخده هو منك بألف شمال عشان يعمل بيه أي افتكاسة تُضاف لرصيده التافه والباهت من جذب الاهتمام

تاني بأؤكد ان ٨٠٪ من الكلام اللي في الثريد ده كلامه هو شخصياً مش تحليل

ودي كانت رحلتنا مع رباية الجوع اللي بدأها بانتو نور عينينا ونهاها ببطلوا هري فنقلنا من تحيا مصر للبقية في حياتك يامصر