مقطوعة ال Bolero

للعبقرى الفرنسي موريس رافيل

المعزوفة الأشهر عالميا و تقريبا من وقت تأليفها عام 1928 و حتى الآن و هى تُعزف في كل أرجاء العالم متخيلين ان"رافال" مؤلف المعزوفة ماكنش معجب بيها و بيشوفها شئ عادى، و لكن في الحقيقة ان عبقرية المقطوعة تكمن في فكرة "التصاعد اللحنى" اللى https://t.co/0bMhxYTb7L

بتصنعه آلات الاوركسترا مجتمعة او منفردة ،و كتير كنت باتأمل طريقة البناء اللحنى اللى وضعه رافيل و تصاعد و تبادل الأدوار بين الالات عشان نوصل للعمق الرائع ده

اخترت مقطوعة عزفها الاوركسترا المفضل لىً و هو اوركسترا لندن السيمفوني بقيادة المخضرم Valery gregiev

تأملوا صمت ماقبل البداية https://t.co/1Ql2BMMEle

البداية ايقاع عسكرى صارم بعض الشئ خافت الحدة يمهد لدخول آلة الفلوت النفخية الناعمة بلحن أندلسي الطابع كثير التعرج و الانحناءات منتهيا بنزعة عاطفية رقيقة مكونا الجملة اللحنية الأساسية للمقطوعة ..و فى الخلفية بنسمع الوتريات و هى بتساند العزف من خلال النبر الخفيف بالأصابع https://t.co/nNmV1CMGpQ

وينضم بعدها الفلوت للطبل العسكري في أداء الشكل الإيقاعي الأساسي، ويتنازل عن دوره في اللحن لآلة الكلارينيت التي تضفي على اللحن روحانية لونية أكثر شفافية،و يستمر الفلوت بدوره الناعم في تقمص الفكر الايقاعى مع الوتريات اللى بتشارك بالنبر فقط..لاحظوا إننا بنشرك آلات بشكل فردى لأداء https://t.co/rHDF8sFslV

اللحن و بعد انتهاء دورها بتتحول لشريك في الارضية اللحنية ، و بيحين دور آلة الفاجوت ذات الانغام الرمادية اللى بتدفع اللحن للتصاعد بنعومة، الكلارينيت بيؤدى جملة الرد على الفاجوت و مش هاننسي الدور الحيوى لآلة "الهارب" اللى بتربط الجمل اللحنية بنوع من المرونة صعودا و هبوطا و اهتزازا https://t.co/G5tlqbAKK6