بقي لي كذا يوم عايزة اتكلم في موضوع كبير حاصل عندنا في كندا ابتدأ من دار مسنين موجودة في Quebec و بعدين الكل ابتدأ يتكلم عنه لأن الكورونا انتشر بطريقة جامدة في دور الرعاية و في العاملين فيها

و الناس فجأة فاقت إن في كندا الPSWs

او الPersonal Support Workers في دار المسنين مشيوا/1

فالناس قالوا دول مشيوا ليه و سابوا المسنين؟

منهم ناس بتشتغل في كذا مكان لأن الأماكن دي أصبحت For Profit

يعني فيه شركات كبيرة بتبني أو بتشتري الأماكن دي بغرض الربح و بيدفعوا ماهيات هزيلة جدا لكل العاملين فيها و قللوا عددهم كمان

اللي عارف في مجال رعاية المسنين فاهم حجم الرعاية/2

فاهم كمية الرعاية الصحية اللي المسنين محتاجينها

فيه مسنين عندهم Alzheimer أو Dementia بيحتاجوا رعاية مضاعفة

بالرغم من كده الحكومات الكندية المتعاقبة قللت المراقبة علي كل الأماكن دي

مش بس كده ابتدوا يعملوا lobbying في الحكومة لتقليل القوانين المشرعة لأنك تربح من الموضوع ده/3

بالتالي كمية الوفيات و حجم انتشار المرض كبير قوي في دور المسنين في كل مقاطعات كندا

الناس فجأة اكتشفت حجم الإهمال الحكومي علي مدار سنين للملف ده

في مكان واحد مات فوق ال30 نزيل غير إن لما وزارة الصحة دخلت لقت المسنين ما اكلوش و لا حد غيرلهم الحفاظات و كل فراشهم ملوث/4

فيه ناس مصدومة من الوضع ده و فيه ناس اكيد كانت عارفة و عاملة نفسها مش واخدة بالها

امبارح في الأخبار قالوا إن أحد رؤساء الوزارة في كندا قاعد علي الBoard لأكبر شركة لها دار مسنين في كندا

في عهده تم تغيير قوانين كتير منظمة للعمل فيهم

الموضوع كده شبه فضيحة/5