1-مش حاينفع أحكي عن #الأقصر لأن الأقصر بلدنا بلد سواح ? وكثير مننا يعرفها كويس. لكن حاتكلم ازاي تزور الأقصر بشكل مختلف.

سافرت بقطار النوم. للأسف حتحس فيه بكل حركة ولكن إن كان له ميزة هو إنك تقدر تفرد ضهرك مدة الرحلة (10 ساعات تقريباً من القاهرة). سعر الرحلة ذهاب وعودة 840 جنيه. https://t.co/uKNeGgsBxX

2- في فنادق من أول 100 جنيه في الليلة وأنت طالع. أنا المرة دي قررت أقعد في فندق في البر الغربي و دا أقرب لأغلب الأثار بس طبعا وسط البلد في البر الشرقي. دا خلاني أجرت عجل رحت بيه الاثار القريبة في البر الغربي. طبعا كان في أجانب متمرسين بيروحوا بالعجل الأماكن البعيدة كمان. #الأقصر https://t.co/CkKxJFhrHM

3-#الأقصر مليانة أثار، أغلب الناس بتروح الكرنك ووادي الملوك ومعبد الأقصر والدير البحري (حتشبسوت) وتمثالي ممنون. لكن الحقيقة في أماكن تانية كثيرة تتشاف لو انت غاوي، من أحبهم إلى قلبي هو معبد هابو، و معبد الرمسيوم و مقابر دير المدينة و مقابر النبلاء. https://t.co/WJn3Cy5wNe

4- ميزة دير المدينة و مقابر النبلاء هو الرسومات المبهرة و الألوان المحفوظة بدرجة ممتازة. بما إنها كانت رحلة نسائية، زورنا الكرنك وقت صلاة الجمعة ودا خلاه أفضى كثير.

ما تنساش وأنت داخل المعابد أو المقابر لو معاك شباب صغيرين تطلب تذكرة الطلبة لإنها ب 5 جنيه. #الأقصر https://t.co/xHQbdRrTRw

5- من الأماكن المختلفة الي حبيتها هي بيت هوارد كاتر وهو عالم الأثار الانجليزي الي اكتشف مقبرة توت عنخ امون. غير كدا حاول برضه تزور مصانع الألباستر في القرنة في البر الغربي عشان تشوف طريقة التصنيع بنفسك (من باب الفضول يعني ?) #الأقصر https://t.co/l4z69SaZnr