كيف تخاطب العقل اللاوعي للعميل بدون ما تبيع عليه بشكل مباشر؟
إذا عندك مثلا متجر
صور فيديو عن طريقة اهتمام الفريق في التغليف او ترتيب الشحنات!
إذا عندك مطعم
صور كيف موظفينك يحضرون الاكل وكيف مهتمين في النظافة!
إذا عندك مشروع يقدم خدمات معينه للعميل..
#ثردات_فراس
صور فيديو لقطات عن كيف تخدمون العملاء
انا ما اقصد هنا انك تطلع الفيديو بأفضل إخراج، لا بالعكس خله اكثر عفويه!
طيب وين افضل مكان ارفعها يا فراس؟
على الانستقرام ستوري + سناب شات+ تيك توك
نفس اللقطات ونفس الفيديو
طيب هنا تقولي ليش؟
لانك هنا انت تخاطب العقل اللاواعي عند العميل المستهدف.
تقولي كيف؟
خلينا ناخذ مثال واحد من الأمثلة الي ذكرتهم فوق
مثلا انت عندك متجر وتصور ترتيب الشحنات وطريقة اخذ الطلب من العميل.
هذا الشيء يعطي صورة للعميل على ان قد ايش انتم مرتبين!
وتهتمون بان الشحنة الصح تروح للعميل الصح.
بالإضافة إلى طريقة عنايتكم بالمنتج عن طريق مثلا تحطون شيء يحمي المنتج من انه ينكسر داخل الكرتون.
وغيره من هذي الأمثلة.
المغزى العفوية مطلوبة في منصات التواصل الاجتماعي مع المصداقية، وانا ذكرتك لك هنا امثلة كيف تطبقها في مشروعك
..
