ثريد ال COVID-19 vaccine المرتقب ?
ما حيكون طويل و ما فيهو كل المعلومات، لكن عشان الناس تعرف الجدل الكتير حول الشركات المختلفة
و أخيرا مهما الكلام الحكتبو هنا، ينصح بإتباع ارشادات وزارة الصحة
يلا نخش
التطعيم هو الحل الوحيد لانو الكارثة النحن فيها دي تنتهي. الحسابات بتقول انو لازم نطعم 70% من الناس، و في ظل الاقتصاد الحاصل ده و عدم قدرة الدول الافريقية انها تصنع لقاحات او تشتريهم لانهم اتحجزو، الموضوع ده غالبا حيمسك لحدي 2024 كده، فالناس ما تتحمس شديد
الاولوية طبعا للعاملين بالقطاع الصحي و اصحاب الاعمار فوق ال 55 (تختلف طبعا على حسب الدولة) و اصحاب الامراض المزمنة
اللقاح في الدول الافريقية جاي عن طريق آلية COVAX اللي هي كم منظمة كده حقت un و غيرو دايرين يوزعو اللقحات بالتساوي على الدول لكن آه وين يا
السودان حصتو 8 مليون دوز
ال8 مليون محسوبة على عدد للناس الفوق ال60 و/او امراض مزمنة. لكن خلي في بالك دي جرعة واحدة و انت محتاج جرعتين، فاااا كده كده حنصل مرحلة و امورنا حتكون جايطة بنشحت اي لقاح ماشي جاي
الصيني الداقين فيهو جرس ده زاتو ما حنلم فيهو
المهم نخش في الغريق
نتكلم عن AstraZeneca الموجود في السودان و الناس متوترة ما عارفة تاخدو ولا لا عشان موضوع التجلطات السامعين بيهو ده
انا حكتب حقائق و لك حرية تقرر انت عاوز شنو
اللقاح ده نوعو اسمو viral vector vaccine
ببساطة عبارة عن فيروس بشبه الكوفيد بس معدل، في الحالة دي شايلنو من شمبانزي عندو
