اهم ثريد للناس الي ما تعرفش عني حاجة ?

انا محمد العفيفي , مصري

وعندي 26 سنة

بعشق السفر زي كتير منكم بس بعد 4 سنين من شغلي كمحاسب في واحدة من دول الخليج قررت اني استقيل والم شوية الفلوس الي حوشتهم وابدأ حياة جديدة واجري ورا احلامي الي كنت دايما بأجلها . https://t.co/gBs0tZsewO

بعد 4 سنين شغل في الخليج الي طلعت بية كان 5000 دولار( يعني 85 الف جنية ما يجبوش عربية فيرنا مستعملة حتى ) يعتبروا هما تحويشة العمر على شوية معدات تصوير ولاب توب وشوية الهدوم الي في شنطتي وبصراحة دة كل ما املك

من5 شهور بدأت انا ودومينيك صديقتي الالمانية نحقق واحد من اهم احلامنا رحلة برية في افريقيا (بالتحديد دول شرق افريقيا ) و مدتها هتكون على اقل تقدير سنة,

الرحلة دي كانت بدايتها من زيمبابوي بعد ما فشلت اني ابدأها من جنوب افريقيا بسبب اني ماقدرتش اخد فيزتها

ونهياتها هتكون الاسكندرية https://t.co/fF0C8Tz6V0

مقدرتش اخد فيزة جنوب افريقيا بعد ما ضيعت جوازي في اوروبا الي كان مفروض هاخد منها طيارة على مدينة كيب تاون اقصى جنوب القارة وتكون الرحلة من المحيط الاطلنطي للبحر المتوسط

واطريت اني اكنسل الخطة دي و ارجع مصر اعمل جواز جديد وابدأ الرحلة من دولة فيزتها عند الوصول للمصريين

هعدي في الرحلة دي على 11 بلد افريقي

( زيمبابوي ,زامبيا,مالاوي,موزمبيق,تنزانيا,رواند ,اوغاندا ,كينيا , اثيوببيا, السودان , مصر )قدرت في الخمس شهور الي فاتو اني ازور (زيمبابوي,زامبيا,مالاوي,ودلوقت انا في موزمبيق و تنازانيا ) https://t.co/OAiBPzNBCg