مساء الخير ?

هاحكى النهارده عن نمط معين من البشر .. مكروه ومنبوذ .. غالبا

نمط اتكرر كتير فى كل العالم , بأشكال وأسماء وسيناريوهات مختلفه , فى ثقافات ومجتمعات مختلفه ..

ناس رغم اختلافهم واختلاف قصصهم , إلا إن أسبابها واحده , ونهاياتهم برضه كانت واحده ..

أهلا بيكم مع ... (أعداء المجتمع) ? https://t.co/mBj7R5dcJ1

مش هنبدأ القصه من أولها , لكن من قبل البدايه بزمن بسيط ... خلفيه تاريخيه عن فتره ظهر فيها احد أشهر العصابات الاجراميه فى التاريخ الامريكى , واكثرها اثاره لخيال الكتاب وصناع السينما ....

الولايات المتحده الامريكيه ... تركه هائله من الاراضى والثروات الطبيعيه والموارد الهايله , تركها شعب شبه منقرض , عجز عن مواكبة التطور الحداثى للعالم , وفشل فى مواجه أول صدمه حضاريه فى تاريخه .. الهنود الحمر

قرون وسنوات طويله من الصدام مع الرجل الأبيض القادم من خلف البحر , المتعطش للثروه والارض ... حروب وهدن تم نقدها , قتل وذبح وانتقامات متبادله وإباده وإباده مضاده , خداع ومؤامرات , تشرذم وقصر نظر , فشل ونجاح ... وبالمحصله , بدأ الساكن الأصلى فى التلاشى وظفر الوافد بكل شىء