دائماً أقول احنا نعيش بإنفجار رقمي مخيف ممكن جيل التسعينات والألفين ماعاشوا فترة ماقبل هالحقبة، لكن الجيل السابق اللي كان يأخذ أخباره من صحيفة ورقية وكل أخبارها محلية وينتظر طول يومه على الله ثم على سليمان العيسى لما يطلع تسع ونص هم من يعُون هذا الكلام جيداً
#ثريد
الثورة الرقمية اللي انفجرت جعلت اللي عاشوا الحقبة اللي قبلها مايقدرون يتحملون هالكم الهائل من المعلومات .. علماً أن الثورة الرقمية لا زالت ببدايتها وللحين ما جينا للعتبه الأولى يادوب واقفين قدامها .. وهي اللي صنعت لنا ما يسمى بالعولمة
العولمة هي اللي وحّدت ثقافتنا فصار واحد في بكّين يأكل برقر وواحد في أرياف بانجور يأكل برقر وأنت بالسويدي تأكل برقر ! بينما كل واحد فيكم كان له أكله الخاص .. الشيء هذا وصل لمرحلة العادات الإجتماعية فما كان خليع بنظرنا وعادي بنظر الأوروبيين صار عادي بنظرنا جميعاً
ولا عاد يفرق معك كجيل تربى على الثورة الرقمية لما تشوف مشهد قبلات بنتفلكس لكن الجيل اللي قبلك يكون هالشيء مقزز له لأنه يملك ثقافته الخاصة وليس ثقافة العولمة اللي صارت تربّي المسلم والهندوسي والملحد بنفس البيت
لذلك أعتقد أصعب شيء ممكن تسويه بهالوقت هو التربية الصحيحة الخالية من الإنفلات والعقد النفسية اللي تؤثر حتى النمو النفسي والجسدي وحتى الهرموني للطفل
