أي حد يقولك أي معلومة عن كوريا الشمالية .. اسأله باشا انت رحت هناك

لو قالك اه اسمع منه .. لو قالك لا قوله يبقا خليك في حالك الله يصلح حالك

تابع الثريد? https://t.co/oC55KOZws9

أولا : مدخل كوريا الشمالية هو سفارتها في بكين

بس استنى يا حمادة انت مش بتروح على السفارة كده وتقوله اديني واحد تأشيرة دخول وصلّحه

انت بتتواصل مع مكتب بيوصلك بمكتب تاني تروح تسلم فيه نسخة من كل أوراقك و يصورك صورة بكاميراته هو .. وبعد 72 ساعة يحددلك ميعاد في السفارة

.. بتقابل فيه كائنات زوحلفية الـ IQ بتاعها معادل لغطا حلة ألمونيا هيستجوبوك والمحقق لازم يتأكد ان حضرتك مش صحفي ولا سياسي ولا ناشط اجتماعي ولا اتسجنت قبل كده في بلدك

وبما إن انا باسبوري كان متسجل فيه فيه دخول الولايات المتحدة 4 مرات فتم استجوابي 3 ساعات ، وقعدت علي جهاز كشف الكذب ! أيوه زي ما قريتها كده حضرتك ،، جهاز كشف الكذب

وكل ده و الزيارة كانت بناءا على طلب الحكومة بتاعتهم أصلا ، مش انا اللي لقحت جتتي عليهم وقلتلهم والنبي نفسي أزوركم

ولما ربنا يكرمك ويتوافق على دخولك بيحددلك ميعاد سفرك، وهو اللي بيحجزلك الفندق. هو أصلا فندق واحد مرمي علي حدود العاصمة بيونج يانج اسمه فندق اقامة الأجانب ، واسمه «يانج جاك دو» وهو مبنى مكون من 48 طابق وبيسموه « نُـزُل » مش أوتيل ، عشان ممنوع هناك استعمال كلمات مستوردة من الغرب