تجربتي في واحد من المتاجر الإلكترونية وعلاقتها باختبار حاجة السوق!
الثرد هذا طويل شوي يبيلك تكون مروق يبيلك تأخذ كأسة قهوة او شاي
وفيه كمية دروس عملية ممكن تستنبطها من هالتجربة
قراءة ممتعه
#ثردات_فراس https://t.co/DFP1vjPuto
بعد ما بحثت عن أنواع المنتجات الي كنت ابي ابيعها
جلست مده طولية في هذي الفترة
ليش جلسة فترة طويلة ؟
لأني كنت ابي أوافق بين شيئين
وش السوق يحتاج ؟
وش المجال الي انا مهتم اني ادخله؟
اخترت منتجات الشكولاتة البلجيكية الأقراص الفاخرة
ليش اخترت هذا المجال ؟
لأني في تجربتي في الفود ترك كنت اتعاون مع مورد يبيع الشوكولاتة البلجيكية الأقراص
كنت كل ما ادخل محل واطلع منه اسمع ناس تقول
"ما توصل للقصيم؟" " ما توصل للشرقية؟"
هذي الأسئلة كانت كثيرة تنسئل داخل المحل
كل ما اروح عنده واشتري كمية، اسمعهم يسألون نفس الأسئلة
وبديت ابحث اكثر في الموضوع
دخلت حساب الانستقرام للمورد الي اتعامل معه
واشوف ما شاء الله عنده عدد ممتاز من المتابعين " الله يزيده"
وادخل على صورة صورة في الانستقرام
واقرا تعليق تعليق
ولاحظت بالفعل فيه ناس يسألون نفس السؤال " ما تقدر توصل خارج الرياض؟"
وهنا بديت اتأكد انه فيه فرصة ممتازة قدامي
لاكن لسه شاك شوي
قلت خليني ابحث عن منافسين في نفس المجال
وابحث عن كل شيء متعلق بالشوكولاتة الأقراص الفاخرة
