متصفح الانترنت Brave Browser والمبنى على مشروع Chromium مفتوح المصدر واللى من المفترض انه مركز بشكل كبير على الامان والخصوصية الخاصة بالمستخدمين وبالاساس المشروع دا اتعمل علشان يحارب جشع شركة جوجل بربط كل خدماتها بالمتصفح الخاص بيها Google Chrome

دا المتصفح اللى بردو بينصح بيه كتير من العاملين فى مجال الخصوصية وامن المعلومات لتصدرة مشهد حجب الاعلانات والجوائز اللى بيقدمها لمستخدميه Brave Rewards، الشركة Brave نفسها صاحبة المتصفح فى الاساس كان فى جدل كبير علي دخول الموظفين اللى بيشتغلوا فيها

(بعيداً يعنى من الشراكات واى وسائل دخل تانية) امبارح كان فى جدال على تويتر ان الشركة بتستخدم التسويق بالإحالة او Referral marketing ودا بإنها بتقوم مرشحالك روابط معينة عند بحثك عن كلمات بحث معينة من نوعية bitcoin او btc او eth وغيرهم الكتير، ايه اللى بيحصل؟

اللى بيحصل بمجرد ما بتبحث عن كلمات البحث المفتاحية المعينة دى بتلاقى نفسك داخل على الموقع المطلوب ولكن بكود إحالة او referral code خاص بالفريق علشان يستفيدوا طبعا سواء من تسجيلك لحسابات جديدة على مواقع منصات التداول الموجوده فى كلمات البحث او حتى الاستفادة من التحويل والاستقبال

للعملات الرقمية، طبعا دى فضيحة كبيرة لو اتكلمنا عن شركة ابتدت تبقى معروفة وسط الأوساط التقنية بمحاربة الاعلانات والمتتبعات trackers والاهتمام بخصوصية المستخدم، مفيش حد بيعمل حاجه ببلاش، نرجع ونقول دا حقهم طبعا لان المتصفح بتاعهم زى ماهو حقك تستخدمة من عدمة