موضوع مهم كمله للآخر منقول من حساب توفيق محمود من الفيس:
قتل الجِمال لحماية أستراليا!
بريطانيا لما احتلت أستراليا، مكنش في أي وسيلة تنقل تقدر تتحرك بيها داخل القارة، فقرروا يجيبوا جمال من الهند وجمال من أسيا عشان يقدروا يتحركوا بيها في طبيعة أستراليا الصحراوية..... أكمل?? https://t.co/hMM6PoNtiI
قبل كده، نظام أستراليا البيئي كان متكامل ومتظبط لوحده كده بإعدادت المصنع وميه ميه ومفيهوش جِمال نهائي.
بريطانيا أنشئت أستراليا وعملت اللي عيزاه ومعدتش محتاجة الجمال، فبدل ما ترجعها بلدها تاني، قامت سيباها في الصحراء بتاع أستراليا ترعى مع نفسها كده..... أكمل??
يعني أصبحت ضيف جديد على النظام البيئي والألف جمل اللي سابوهم في القرن التاسع عشر وبداية العشرين، في 2008 كانوا تكاثروا بقوا 1.5 مليون جمل. مستوعب العدد!
طبيعة أستراليا أصلا جافة، فإنك تزود فيها حيوان بياكل حشائش الصحراء وكمان بيحتاج كميات ضخمة من الماية، حرفيًا ساهم بجزء كبير في
إفساد النظام الطبيعي لإنه عددهم الكبير دا ساهم في نقصان شديد في النباتات الطبيعية اللي بيتغذى عليها كائنات تاني وطيور فبقت هي تموت، كمان اي بركة فيها مايه بيتغذى عليها حيوانات تانية، بقى يقف عليها جملين يشربوها كلها يخلصوها..
الجمال معدتش تلاقي مايه،
فتهجم عالخزانات اللي بره البيوت تشربها كلها تخلصها.. الحمامات العموميه بقت تشرب حتى من قعدة الحمام.. وصل الحال لأنها تكسر المواسير في الأرض وتشرب منها.. هتموت عايزة مايه واعدادها ضخمة والبيئة مش مجهزة إنها توفراهم الاحتياجات دي لأنهم كتير جدا.
