ثريد اليوم عن اشي انتشر قبل فترة وهو تسمم الحيوانات وشو الإجراء بهيك حالات. انا راح اشرح عن اهم السموم وشو التصرف الصح. بس قبل ما ابدا بدي أأكد على موضوع ضروري بمعظم الحالات لازم تاخد الحيوان عالعيادة. وراح اعمل الموضوع قسمين الأول عن أشياء سامة بالبيت وبعدين عن حيوانات الشارع. https://t.co/cChS2AijqK

اول اشي راح اشرح عنه هو المأكولات السامة للحيوانات:.

الاڤوكادو تعتبر فاكهة سامة لجميع الحيوانات والطيور وحتى الأسماك وبتعمل اضرار بالقلب وبتعمل نزيف بالثدي بالحيوانات المرضعة. العلاج هو انو نخلي الحيوان يستفرغ بالإضافة المسكنات و أدوية بتخفف من اضطرابات القلب توصف من قبل الطبيب البيطري. بالإضافة للسوائل الوريدية https://t.co/z2tbu08ady

العجين بكون فيه خميرة تؤدي للانتفاخ بالمعدة قد يكون قاتل. و بتعمل خلل بالاملاح و الحموضة الطبيعية بالإضافة لأعراض عصبية. العلاج المنزلي بدنا نغصبه يشرب مي باردة حتى تقلل تخمر العجين والخميرة تموت. و لازم يروح على دكتور لانو احتمال يحتاج جراحة حتى يتم إزالة العجين https://t.co/cD0KzXUe6H

الشوكلاته تعتبر سامة جدا بالحيوانات. ولازم تدخل بيطري عالسريع لانه بتعمل اضطرابات حادة بالقلب و تشنجات قوية. الحل هو اذا اكلهم الحيوان خلال ساعة أو قبل ما تظهر الأعراض نخلي يستفرغ ونعطي حبوب فحم حتى تمنع الجهاز الهضمي من امتصاص اي بقايا. وضروري جدا بهاي الحالات انو يروح لدكتور . https://t.co/US1HcHrHlC