اربع وعشرين سنه عشتها مع ام نرجسيه وبعد بحث دام ٣ سنوات استوعبت كميه الاذى النفسي اللي ترتبت عليه هالسنوات الطويله على صحتي الجسديه والنفسيه قررت اتكلم بالموضوع وكيف ان ممكن الامهات يدمرون حياه ابنائهم بشكل صامت. بهالثريد راح اكتب قصتي و بالمراحل اللي مريت فيها بهالعلاقه وتاثيرها

مثل ما انتو عارفين فمرحله الطفوله تكون بنيه الانسان لينه جدا واي شي يصير في هالمرحله يأخذه الانسان معاه لاخر عمره. لهالسبب الاطفال سهل التاثير عليهم. اهم شي ف هالمرحله ان يلاقي الانسان شخص يحسسه بالامان والحب ويعكس عليه المشاعر ويعطيه فرصه يعبر عن مشاعره عشان يبدا يبني شخصيته

في مرحله طفولتي كانت امي قاسيه كالحجر. كانت تسوي شغل البيت بشكل جيد لكنها كانت بارده ومكتئبه ودايما تهددنا بالانتحا*ر. الخوف من انها تاذي نفسها ك طفله خلاني اجبر نفسي اتحمل مسؤوليه مشاعرها على كتفي ومن هنا صرت شخص اعتمادي على مشاعرها بدون وعي https://t.co/wENHn7HLTG

ما قدرت ارتاح الا لما كانت ف مود جيد ومنها بدات اتوتر اكثر من اللازم لاسيما انها حاولت الانتحا*ر امامي وانا عمري ٤. طبعا انا ك طفله ماكان لي اي صوت. ما كنت العب حتى ما كنت ابكي ولا كان لي طلبات او رغبات طفوليه عشان ما تعصب امي. لما اتذكر الماضي احزن على طفولتي الغير طبيعيه.

فوق ما اني كنت اخاف عليها كنت اخاف منها لانها كانت تلسع جلدنا انا واخوي باعواد كبريت اول ما تطفيهم و وتضربنا اذا كان صوتنا عالي او كسرنا شي.ماكان فيه حضن بعد العقاب او درس نتعلمه. مجرد تخويف على اشياء اتفه من التافهه وكل ما كنت اتعاقب كنت ابكي لاني ماعرف السبب او لتفاهته