وصلي من وايد ناس مقطع مساعد الرشيد الي يقول الكويتيين فشلوا في السوق السعودي.
@msa3d_r
اقولكم صحيح ١٠٠٪
الناجحين من الكويتين في المملكه ينعدون على الاصابع
مو معناتها انهم مو زينين و لكن كل سوق له معطياته
وتكلمت عن بعض تفاصيلها بتوتر كذا مره
في ٢٠١٦-٢٠١٧
كان الاهتمام في هذا القطاع و التطوير و المسيطر عليه كانو الكويتين
حاليا الكل عنده المعرفه القويه و الصحيحه مع توسع الاسواق و لكن من بعد كورونا صار التركيز محلي بشكل جدا كبير و ان الشخص يثق في الهويه المحليه للدوله اكثر من اي فرانشايز سواء خليجي او عالمي.
مو معناتها ان غلط تفتح فرانشايز مع احد و لكن كمخاطره بتصير اعلى بكثير.
عشان جذي اقولكم ان المفهوم تغير. خاصه بعد كورونا
الله وفقك و نجحت في دولتك! و تبي تتوسع؟
توسع بهويه مختلفه وشارك شخص محلي خل تكون الهويه و الواجهه شخص من هذي الدوله او المدينه!
باختصار مو كل فكره قابله للانتشار
ابني استراتيجيه من اول شي انك قابل للانتشار مو اذا نجحت فجاه تحس ان لازم تنتشر والا ١ او ١٠ او ١٠٠ واحد دزلك مسج افتح بهالدوله يعني صح!
انا لما فكرت ادخل السوق السعودي دخلت كمطور و مستثمر فقط. الحين بعد ٥ سنين قادر اني ادير شركه و موسهله ابدا!
كل براند قوي في دولته بين ناسه و اهله
و مجتمعه
و الاداره هي كل شي
مو مهم فكرتك شلون قويه او خيال او طعم الاكل جبار! او هويتك مميزه! و عندك شغف خيالي
كلها ماتسوى اذا ما توظفت بالشكل الصحيح
الله يوفق الجميع
