-الناس الكان نفسها في وظيفه معينه وربنا مأراد
- الناس الكان عندها حلم وعملت كل العليها وما اتحقق !
- الناس الكان عندها امنية من أي نوع لكن ربنا ما قدر ليها انها تحصل!
للناس الحبت وما حصل نصيب يجمعهم في بيت واحد !
? الكلام دا ليك?
سيدنا محمد صلى الله عليه وسلم كان متزوج السيده خديجه ولما ماتت بكي يوم موتها وكأنو ما بكى قبل كدا
من شدة حبه ليها كل الناس كانت بتقول عمر النبي ما ح يحب تاني
_ما ح يحب تاني لدرجة انو من حزنو عليها اتسمى يوم موتها بعام الحزن
وبعد كدا ربنا عوضه بالسيدة عاىشة وحبها اكتر من اي حد في الدنيا وبقى لما يتسأل من أحب الناس إليك يا رسول الله يقول قدام كل خلق الله بقول أحب الناس إلى قلبي عائشة ♥️
وكان دايمآيقول في معني كلامه البزعل عائشة يبقى زعلني انا
وما كان بلقى الراحة غير معاها وجنبها دون عن زوجاتو كلهم
لو كنت شفتو تقول سبحان الله دا نحنا قلنا عليهو عمرو ما ح يحب تاني !!
لو كنت شفتو تقول دي حبو الأول والأخير ولا عمرو حب قبلها ولا ح يعرف يحب بعدها .
ومن حبه الشديد ليها ربنا كتب ليه انو يموت في حضنها وفي بيتها وعلى سريرها ..❤
لما تجي تقرأ سورة الكهف وتشوف سيدنا الخضر وهو بيعلم سيدنا موسي اليقين وليه سيدنا الخضر لما شاف طفل صغير جري عليه وقتله !
ولما سيدنا موسي غضب
وقال ليه تقتل نفس بدون أي ذنب
وما كان عارف إنو ربنا كان معلم سيدنا الخضر بعض من علم الغيب
