منقول من صفحه دكتور اسامه شريف ??

انا عايز اتكلم عن التخصص في جنوب أفريقيا.

اول حاجه زماله كليه الطب الجنوب افريقيه (ذي الكليه الملكيه في انجلترا، وذي مجلس التخصصات عندنا) بتصنف في المستوي الأول في معظم دول الخليج وفي المستوي الثاني في السعوديه، بس الأهم انها معترف بيها

وبتشغلك في انجلترا وأستراليا ونيوزيلاندا وكندا..

ثانيا .. التدريب هناك على أعلى مستوى من ناحيه العلم و التدريب المهاري.

ثالثاً .. القبول هناك نوعاً ما ساهل و ما بحتاج غير الابك.

رابعاً .. البلد آمنه اذا قعدت في علبك ، المستشفي البيت الجامعه السوبر ماركت ، الأماكن النضيفه

وبالعكس.

خامساً .فيها عدد مقدر من المسلمين ،وبتلقى مسجد قريب في اي حته حتسكن فيها، وفيها مدارس اسلاميه ممتازه للأطفال في حدود 2 الف دولار السنه.. ومافي مشكله في الأكل الحلال.

سادساً ..التدريب تقريباً 4-5 سنوات.

سابعاً.. التدريب بكون في مستشفيات الجامعات، بتسجل للجامعه وتشتغل فيها

تدريب، وكل الجامعات بمتحنوا امتحان زماله موحد من الكليه الجنوب افريقيه..يعني الشهاده واحده غض النظر اتدربت وين وفي ياتو جامعه.

ثامناً رسوم التسجيل في الجامعه حوالي 2 الف دولار في السنه يعني ممكن نقول 10الف دولار للفترة كلها.. ذائد رسوم امتحان زماله الكليه حوالي الف دولار يبقى

المطلوب حوالي 11 الف دولار.

تاسعاً ..السكن و الاعاشه عليك.. ودي بتختلف من مدينه لي مدينه وهل في سكن تبع الجامعه ولا لا؟ وهل بتسكن براك ولا معاك أسرتك.

عاشراً .. السكن الجامعي حوالي 200 دولار فيه غرفه مريحه بي حمام داخلي وسرير ومكتب وتلاجه ونت مجان،وفي غسالات ملابس