Drag down for English
مساء الخير كيفكم
طولنا منكم معليش حقكم علي موضوع الليلة للبنات اما الاولاد ممكن يقرو البداية حقت مقاومة الانسولين والعلاجات. حتكلم كيف بتحصل مقاومة الانسولين وتكيس المبايض وشنو البخلي هرمون الذكورة يرتفع فالنهاية حتكلم عن الادوية وليه ما بتنفع والعلاجات https://t.co/dFZbKZh2n3
لمن تلاقي نقاش عن تكيس المبايض لازم في البداية يكون الكلام عن مقاومة الانسولين وهو السبب في امراض ضغط والسكري وارتفاع الكوليسترول الضار اول نعرف هو بحصل كيف؟ انتي لمن تاكلي سكريات هرمون الانسولين برتفع ويبدا يدخل السكر من مجرى الدم للخلية دي وظيفتو الوحيدة والبفهمها يلا لمن
تكتري من السكريات والنشويات ودا حال اغلب اكلنا الدسم زي ما قلتا في السكري النوع التاني انو الخلية بتقفل على نفسها الباب من جوا والمفتاح الفي يد الانسولين بتكسر فالسكر حيتراكم في مجرى الدم وكمان الانسولين حيتراكم ومع الايام البنكرياس حيتعب بقل افرازو للانسولين فدا مقاومة الانسولين
فبجيك امراض القلب وتكيس المبايض والزهايمر والمناعة تضعف والسمنة. علاج الامراض دي بكون انك تشوفي السبب وتعالجيهو والسبب هو ارتفاع ومقاومة الانسولين معناها تمنعي الحاجات البترفعو. علاج مقاومة الانسولين بكتبها تحت لانها نفس حلول تكيس المبايض. كدا خلصنا مقاومة الانسولين زحو يا
اولاد وقربو يا بنات. في الايام القبل الدورة لمن البويضة تطلع من المبيض الغدة النخامية الفي المخ بتفرز هرمون اسمو LH عشان الغشاء الحول البويضة يتفتح وتلقحها الحيوانات المنوية ويحصل حمل بس في تكيس المبايض الهرمون البتفرزو الغدة النخامية بكون ضعيف فالبويضة بتفضل مقفولة جوا الغشاء
