عجبنى الثريد ده وأتمنى تقروه بتركيز ...
منقول : من زملكاوى محترم الحسيني الإدريسي
انا شوفت الاهلي وهوا بيرمي اي شخصية وسخة ومش محترمة برة النادي زي حسام وإبراهيم والحضري وابراهيم سعيد وترك
وشوفت بردو الزمالك لما احتضن كل دول وغني باسمهم وعملهم ابطال ورجعو هانو الزمالك بعد كده .?
أنا شوفت الأهلي وهو بيكسب الزمالك ٦
و الأهلي وهو نادي القرن ف إفريقيا
و الأهلي وهو بينافس ريال مدريد و بوكاجونيورز ع الأكثر تتويجا بالبطولات القارية
شوفت ميدو لما هرب م الزمالك و لما رجع تاني عملوه أسطورتهم
و الحضري لما هرب م الأهلي وبيبوس الجزم حرفيا عشان يدخل النادي بس
شوفت طارق حامد و هو بيتشرط على الزمالك عشان يجدد ، و لما جدد لعب و بقى طارق قلب الأسد
و شوفت عبد الله السعيد( أهم لاعب في مصر) و هو بيتشرط ع الأهلي عشان يجدد ، و لما جدد عرضوه للبيع عشان ما ينفعش حد يتشرط ع الأهلي .
شوفت تركي و هو بينطرد بره الأهلي و الجمهور عامله زفة ف المدرجات عشان تويتة كتبها مع إنه قايد صوابعه العشرة للأهلي .
و شوفت تركي و هو بيهين الزمالك و بيعايرهم و يقولهم يا بوابين و ماحدش رد أو حس بإهانة أصلا
شوفت رئيس الزمالك وهو بيهين رموز ناديه و جمهوره و بيرفع الجزمة في وشهم
و شوفت رئيس الأهلي و هو بيتكلم بكل أدب و إحترام و مبادئ .
شوفت إنتخابات حرة محترمة في الأهلي و الخسران بيهني الفايز .
و شوفت قضايا مرفوعة في الزمالك و رئيسه مانع نائب الرئيس من دخول النادي .
شوفت لاعيبة بتمشي من الأهلي بكل إحترام و بيتغنوا بالفترة اللي قضوها في الأهلي .
