ليه اللي بياخد ٢٠٠٠ جنيه بيسيب شغله عشان شغل بـ ٢٥٠٠ ، ووليهراللي بياخد ٥٠ مليون بيسيب شغله عشان ٨٠ مليون ؟
——
١- كل انسان بيعيش علي حسب دخله ، اللي بياخد ١٠٠٠ جنيه بيظبط عيشته عليها و لو زاد دخله الطبيعي انه بيرفع مستوى معيشته
٢- اللي بياخد ٢٠٠٠ جنيه مثلاً بيكون مظبط حياته علي كدا ، بيقلل استخدام الكهربا ، مفيش تكييف ، بيحاول يوفر في الاكل ، بيحاول يوفر في اللبس و يتعايش علي قد ما يقدر و هكذا
٣- لما اللي بياخد ٢٠٠٠ يجيله عرض براتب ٥٠٠٠ جنيه اكيد هيوافق لأنه عايز يرفع مستوى معيشته ، يعني مثلا هيزود استخدام الكهربا ، هيجيب اكل اكتر ، ممكن يجيب تكييف بالقسط ، ممكن يختار لبس احسن جودة و هكذا
٤- ده نفس الكلام اللي بيحصل مع اصحاب الملايين ، الشخص اللي بياخد ١٠ مليون في السنة مثلاً ، بيكون مظبط حياته علي المبلغ ده ، يعني مثلاً بيدخل ولاده مدارس انترناشونال مصاريفها بالدولار ، بيجيب عربية أعلى فئة ، بيلبس ماركات ، عايش في شقة دوبلكس مثلاً في منطقة حلوة
٥- لما يتعرض علي الشخص ده ٥ زيادة بنسبة كبيره هيوافق ، ليه ؟ ، لأن زي ما قولنا الانسان بيدور علي الوصول لاعلى مستوى معيشة ، فمثلاً بدل ما كان قاعد في شقه دوبلكس هيجيب فيلا في منطقة حلوة ، بدل ما كان معاه عربية بمليون جنيه ، هيجيب عربيه احسن بـ ٢ مليون و هكذا
