قصة حقيقية

????

يوم من عمري

26-5-2013

القاهرة صباح اليوم المذكور

صحيت بدري عشان أحضر إجتماع شغل مهم وبعيد،زي أي مواطن صالح بيروح شغله و يشوف مصالحه، لكن كان البنزين فالعربية أقل من إنه يوصلني وفالفترة دي من عمر الزمان، الحصول على تفويلة بنزين مكسب للنبلاء وابناء العشيرة

-١تابع https://t.co/XVGk6oPMK8

وانا مش منهم. زيي زي كل المصريين أيامها ، لفيت على محطات البنزين لكن دون جدوى مفيش. وفجأة البنزين قطع تماما من كتر اللف على المحطات والزحمة في الوصول ليها وسخنت العربية لدرجة وش السلندر قالي هاتلي استمارة تمرد أنا كمان أمضي عليها. إستعوضت ربنا، ركنتها لحد ما اشوف ميكانيكي

-٢تابع

ومكنش في حل غير إني أروح البيت بعد ما حالي وقف وعربيتي الكحكوكة ضربت ومحدش من الصنايعية بيفتح الصبح بدري .

حاولت ألاقي تاكسي يروحني بصعوبة لأن التاكسيهات هى كمان كان عندها نفس مشكلة البنزين ومبتطلعش بالساهل وبالتالي تم تحصيل الأجرة مني تلات أضعاف تمنها أيامها.

-٣تابع

والراجل عشان يحلل القرشين فضل يحكي لي عن ضيق المعايش والخراب اللي شافه من وقت وصول الإخوان للحكم وندمان على انه انتخبهم وبيدعي على اللي اقنعه يروح الانتخابات أساسا، وحلف واستحلف أنه نازل الميدان يوم #30_يونيو واللي يحصل يحصل!

-٤تابع

قلت ماشي أيام صعبة على الكل المهم أروح وقدر الله ما شاء فعل.

دخلت البيت لقيت مفيش كهرباء و المية قاطعة .

لا قادرة أخد شاور ولا عارفة أشحن الموبايل والجو حر نار لا نسمة هوا ولا مروحة ولا تكييف ويوم معفرت من ايام السنة الغبرة اللي شفنا فيها #الإخوان.

-٥تابع