المرة الفاتت اتكلمنا عن الشخصيات وعن الاهداف وقلنا احنا عايزين نركز على النظام وليس الهدف والشخصية تحديداً وانه العادات البنعملها تكون مدعومة بي قناعتنا بي اننا ناس دا الطبيعي بتاعهم. https://t.co/1jdi5UfL4T

وقلنا بدل ما نقرا كتاب عايزين نقتنع انه احنا قراء، ولو عايز افوز بي سباق جري، لازم اقتنع اني عداء او هدفي اني ابقى عداء. طيب كيف اغير قناعتي وشخصيتي..

كل ما كررنا سلوك معين كل ما عززنا الشخصية المرتبطة بالسلوك دا. كل تجربة بتخوضها بتعدّل في صورتك الشخصية.

يعني انا ما اعتبرت روحي زول بيكتب ثريدات تعليمية بعد أول ثريد كتبته، لكن بعد الثريد السابع كدا خلاص بقيت مقتنع جواي انه انا زول بكتب ثريدات في مواضيع تحسين الذات.. صورتي الشخصية اتغيرت، كذلك مثلاً الجيم، ما حاعتبر روحي رياضي عشان مشيت يوم واحد، لكن بعد شهرين بكون مقتنع جواي

انه انا زول بكتب ثريدات في مواضيع تحسين الذات. صورتي الشخصية اتغيرت، كذلك مثلاً الجيم، ما بعتبر روحي رياضي اذا مشيت يوم، لكن بعد شهرين بكون مقتنع جواي اني زول رياضي عشان ما بفوت الجيم حتى لو تعبان.. احنا ما بنتغير بين يوم وليلة، احنا بنتغير حتة حتة، يوم بعد يوم، وعادة بعد عادة.

اكتر طريقة عملية نغير بيها شخصيتنا هي اننا نغير الشي البنعملو..

كوني كل يوم اقرا صفحة، انا بكون قاريء وبكون بعزز الشخصية دي في نفسي.

ونفس الشي، كل ما اعمل عادة سيئة بتعزز الشخصية السيئة برضو. تغيير الشخصية هي عملية بسيطة بتتكون من خطوتين،

اول شي، اختار الشخص العايز تبقى زيو،