بتكلم عن تجربتي وكيف بديت بزنس براس مال ٣٠٠٠ ريال ووصلت مليون خلال سنتين!
مبدئياً هذا الثريد هو تجربتي الخاصة يعني مو كل شي سويته صح او غلط هي تجارب مريت فيها ممكن تستفيدون ممكن تشوفونها بدائية انا بشارككم الي مريت فيه وتعلمته لكن ما اعتبر نفسي مرجع لريادة الاعمال ابداً??
اولاً انا ارسم يوم كان عمري ١٦ عرض علي احد ارسم له على ملابس وهو يبيعها، كان مفروض المشروع شراكة بس طبعاً سحب علي وجاب ناس ثانيين والعقد حقه طلع خربوطي واخر شي خسر مشروعه، بس هذي التجربة علمتني ان الفن والملابس هي شغفي والشي الي حابه اشتغل واكبر فيه، سبب الخسارة: شريك غير موفق❌
صار عمري ١٧ قررت ابدا من نفسي نفس الشغل اللي كنا نسويه بس لحالي وجبت تيشيرتات وصرت ارسم عليها واعرضها على انستقرام بس طبعاً قلة الخبرة خلت كل الملابس تقعد عندي بالبيت وخسرت بكل شي دفعته واهلي قالو ماعاد بيعززون لي مره ثانيه ?سبب الخسارة: تكلفة عالية ووقت طويل لإنتاج منتج واحد ❌
طبعاً مافيه شي بيوقفني وانا اعرف ان هذا شغفي صار عمري ١٨ وقررت اتعلم من الاشياء الي غلطت فيها من قبل، ماراح ارسم رسم يد على الملابس بطبعها ، بجيب تصاميم جديدة ومو مكررة، ماراح اسوي كمية كبيرة، بحاول اقلل تكاليف قد ما اقدر عشان ابيع باسعار مناسبة
طبعاً ماسويت دراسة سوق ولا ادري مين السوق المستهدف ولا مين المنافسين قررت ابدا وحطيت اسعار من مخي وبس، اول واهم شي التصاميم كلمت زميل معاي بالجامعة معروف شغله بالفوتشوب وقلت له اني ببدا مشروع واحتاجك تساعدني بالتصميم بس ما اقدر ادفع لك لين ابدا واول تيشيرت ببيعه بحول لك على طول
