ثريد
أهم الاغذيه المفيدة لصحة ونضارة البشرة
وعلاقتها ببعض المستحضرات التجميلية
—————————
المرة الفاتت اتكلمت عن اهمية التغذية للبشرة وكيف انو ليها دور كبير في معظم امراض الجلد وفي العلاج ، واتكلمت عن الاغذية البتضر بشرتنا .
هنا حتكلم عن اهم المأكولات البتغذي بشرتنا.
كثير من البنات بصرفو الملايين عشان يصلوا لبشرة مثالية لكن ما بيلقوا نتيجة مرضية
وبيسألوا لشنو ؟!
ببساطه لأنه بشرتك محتاجه تتغذى من جوا
علشان تظهر نتيجه المستحضرات البنستخدمها من برا
بشرتنا ليها بيئة داخليه وخارجيه
ما ينفع نهتم بجزء ونخلي الجزء الثاني
ونسأل ليش مافي نتيجة !!!
هنا مجموعة من أهم العناصر البنحتاج اننا نوفرها لبشرتنا وبعض المؤكلات المهمة شديد للبشرة
وحربط كل عنصر بمستحضر وكيف نسرع نتيجة المستحضرات من خلال تغذيتنا حسب احتياجاتنا سواء لتتقشير او التفتيح او النظارة والوقاية من الشمس والهالات السوداء ..
١- الأوميغا ٣
نوع من انواع الدهون المشبعه البحتاج ليها جسمنا شديد لانو ما بصنعها ..
الاوميغا ٣ من اهم العناصر اللي بتحارب التهاب البشرة ، لانها بترفع لينا مادة داخل جسمنا اسمها الاكسينويد والمادة دي بتساهم في تخفيف التهابات البشرة
