صباح الخير... عايزة احكي عن انطباعي عن زيارتي لمدينة الإسماعيلية لأول مرة بوجه عام، وانطباعي عن مهرجان الإسماعيلية الأول للمانجو بشكل خاص، ثريد ? https://t.co/yOM61auuxx

أولاً كانت تجربة جديدة بالنسبة لي أني أنظم رحلة من مجموعة من الأصدقاء والمهتمين بالمهرجان، والحقيقة كانت تجربة جميلة جدًا أتعرفت فيها على ناس لطيفة جدًا ومنهم 3 غير مصريين شاركونا اليوم. https://t.co/3aYXFZyaRp

1

اتحركنا من إسكندرية والطريق أخد أربع ساعات تقريبًا، أول حاجة عملناها رحنا مزرعة مانجا على الطريق عشان نتفرج على قطف المانجا ونعرف بتتزرع أزاي، وكانت فكرة حلوة بس الجو كان شديد الحرارة، وعرفنا أزاي بيتم تهجين سلالات جديدة للمانجا .. ومواعيد الزراعة والقطف لكن مشترناش من هناك https://t.co/B0NEueVhvj

2

رحنا ندور على فطار عند أشهر محل فول وفلافل في الإسماعيلية وهو مطعم أولاد الرفاعي... الي عنده طعمية محشية عالمية، وبالمناسبة لما قلنا فلافل عرف على طول أننا من إسكندرية  https://t.co/8t2V3lzF2B

3

ركبنا ناخد معدية رقم 6 الي بتعدي في قناة السويس وبتروح لخط بارليف، الموضوع مكنش سهل أبدًا وكانت محتاج تنسيق بلغة أهل الإسماعيلية... يعني تصريح أمني، وبعد الكثير من المحايلات سمحوا لنا بركوب المعدية يعد ما أخدوا بطايقنا وطلبوا مننا عدم النزول للضفة التانية من الإسماعيلية https://t.co/V4KahjiIcp