نصائح مهندس لأي زول عايز يبني بيتو
البداية
نصيحة رقم واحد
حدد عدد الناس الحايسكنو في البيت مبدئيا عشان نعمل الخرطة حسب الحوجة والمساحة خاتين ف الاعتبار عدد الافراد بزيد مع الزمن ضيوف مقيمين او زواج احد الابناء
نصيحة رقم اتنين
اعرف مساحتك الحقيقية عشان ماتخش في جارك ودا بتحدد من وزارةالتخطيط العمراني اسمو الكروكي
نصيحة رقم تلاتة:
خلي بيتك يكون اعلي من الشارع لأنو مع مرور الزمن الشارع حايجيب ليك موية المطرة جوه
نصيحة رقم اربعة
انت لو داير تستثمر ف المستقبل او ماعندك ارض غير واحدة افضل تبني اعمدة بتديك خيارات طويلة الأجل للعقارات
اما لو مابتحتاج ممكن تبني لود بيرينغ عادي وابشرك ممكن تعمل ارضي وطابق اول ووطابق ثاني بي شروط والطابق بعمل شقتين متوسطة وصغيرة او كبيرة
