ليكن واضح للجميع انه لايوجد اجراء مالى او اقتصادى ممكن يصلح احوال مصر الا بزيادة الانتاج من كل السلع بدءا من مشط الشعر الى العربيات والقطارات والاسلحه ودة مش هايحصل الا عن طريق الاستثمار الاجنبى المباشر يعنى شركة زى تويوتا تيجى مصر تعملك عربيات هنا تكفى سوقك وتصدر ، لكن بيع اصول
بيع شركات بيع بنوك بيع كل الى تقدر علية دة مش هايعمل اضافة لاقتصادك لان الشركات دى شغالة بالفعل هيا هاتوفر لك عملة اجنبية تسدد بيها جزء من الديون لكن الاستثمار هاتجيبة من فين فى ظل حكم عسكرى ديكتاتورى يخطف الناس من بيوتهم فجرا ؟ العالم قرية صغيرة وانت حتى لو سددت كل ديونك الخارجي
هايتفضل ديونك الداخلية وحتى لو سددت دى ودى افتراضات مستحيلة تتحقق هاتعمل استثمارات من فين وانت عندك عجز ميزان مدفوعات مزمن وعجز موازنة عامة يعنى لو حبيت تصنع انت زى ايران ماعندك فائض تستثمرة اساسا وماعندك دولار فائض من غير ديون حتى يبقى الحل
جذب استثمارات اجنبية وعلشان دة يحصل لازم تبقى دولة قانون وحرية وتداول سلطة ويكفى تعرف ان يوم زى امس فى تركيا دة مش سهل كدة وتعدية بالساهل لا فية مستثمرين ورجال مال واعمال بتتابع وتقيم ومراكز تقييم عالمية ومكاتب استشارية بتنصح الشركات العالمية وتقولهم روحو س وماتروحو ص فهمتم ؟
خلية يحاول من هنا لطولون ولا هايتفع اى اجراء ولو زود القمح السنة دى مليون طن الناس هاتزيد ٢ مليون بالسنة وهاتحتاج تزرع تانى اكثر كل سنة يعنى دايرة مقفولة ومافيش حل غير الى قلته والناس كلها عارفة دة والاقتصاديين والسياسبين وهوا عارف دة ورجال الجيش والشرطة والدنيا كلها
