الإيحاء الأبرز عن احداث آخر 48 ساعه , ان الوضع أميل إلى حد ما الى ناحية التهدئه , اعادة الأسرى ووقف اطلاق النار بعد اكتفاء الصهاينه من الانتقام , مع التضحيه بكام راس قيادى من القسام والمكتب السياسى , لكن من ناحيه تانيه واضح ان هناك جناح قوى بالكيان مش متقبل حتى التنازلات دى

اللى قلته دا مش قناعه , دا مجرد انطباع , يكاد يستوى , او يرجح قليلا ضد انطباع التصعيد , يعنى نقول ياخد من 55 الى 60% امام احتمال التصعيد واجتياح القطاع بالكامل ...

والعبره فى النهايه بالوساطات والتفاهمات اللى شغاله حاليا بعيد عن الجعجعات اللى عالشاشه

من ناحيه تانيه , الهجوم على مستوطنات الغلاف كان فضيحه , دمر مستقبل نتنياهو السياسى للأبد , انتهاء الازمه بتهدئه ولو بتنازلات كبيره من الفصائل , سيتبعه حتما حساب داخلى عسير سيطيح بنتنياهو من منصبه , وبالتالى ملفات فساده ستخرج من الدرج لينتهى به الامر لمحاكمه وسجن ..

يتبع

المخرج الوحيد له من ذلك الكابوس هو التصعيد لحرب اقليميه كبرى يخرج فيها منتصر , ذلك سيجب ما قبله او على اقصى تقدير سيعرضه لخسائر سياسيه محدوده لا تطيح به من العمل السياسى بشكل كامل ...

لذلك فهو مستميت لسحب حزب الله وبشار للصراع واستفزازهم بكل الطرق الممكنه

وبخصوص حزب الله فهو مستنزف عسكريا لحد كبير بسبب انغماسه فى الصراع السورى , ايضا IS قضت على نخبة مقاتليه وقادته المخضرمين خلال سنوات الصراع الطويله بسوريا ...

بشار الاسد نظامه جناح بعوضه ..