انت بتبيع في شنو؟
انت بيتبيعي في شنو؟
سؤال مهم، #نتونس_بزنس بيهو الليلة في الكهربا القاطعة دي...
السؤال دا انا بانصح الجنس البشري انه يفكر فيهو، ويجد اجابة ليهو في كل ما يقول ويعمل...
ورح
??
قبل ما اقول حاجة، نقوم نضرب امثلة عشان نفم بعض. تعالوا نعاين لخطوط الطيران، بتبيع في شنو؟ تذاكر؟ لأ، فنادق؟ لأ، طيب شنو؟ شركات الطيران بتبيع حقيقة "الرحلة"، رحلة شهر عسل قيافة، اجازة ممتعة، رحلة بزنس موفقة، مدينة تستاهل يزوروها، وهكذا، وعشان كده دا البنشوفو في دعاياتهم...
??
مثال تاني، مستحضرات التجميل، بتبيع في شنو؟ الوان؟ لأ، زيادة جمال؟ برضه لأ، شركات مستحضرات التجميل بتبيع القدرة على الشعور بكمال الجمال، ودا البنشوفو في دعاياتهم. آخر touch بالفرشة العجيبة ديك، ويو آر قود تو قو، وللا شنو؟
??
تاني مثال، العطور، ببيعه في ريحة؟ لأ، لو اتمسحنا بي ليمونة، ريحتنا بتبقى سمحة...
شوفو دعاياتها ظاهرة كيف، مكان مضلم، وابيض واسود، وراجل ماري جمب مرة وللا مرة مارة جنب راجل، وستارة هنااااك بتتحرك عشان توريك ان في هواء، والبيجو مارين جمبو بيتلفت، صاح؟ الناس ديل بيبيعوا "الثقة"
??
امازون، اي باي، وامثالهم من حاجات التسوق الالكتروني، ديل بيبيعوا في شنو؟ الراحة؟ يمكن، تعال نشوف دعاياتهم، زول بيشتري في حاجة، اثناء ما بيعمل في حاجة تانية، ايواااااااا، الناس دي بتبيع ال convenience او الكلمة الانا ما عارفها بالعربي. معاي...
??
