قاعد عند الحلاق ..
دخل طفل زى القمر ما شاء الله ومعاه باباه اللى جاله مكالمه وطلع برا عشان يكملها
- الحلاق بيقوله اتأخرت ليه يا يوسف
- فطرت ايه انهارده
- طب انت عامل ايه فى المدرسه ؟
= قاله اصل بابا وماما كانوا بيتخانقوا
الحلاق حاول يغير الموضوع
= ملحقتش افطر ماما قالت لبابا خلى الزباله اللى انت تعرفها
تعملك اكل انت وابنك
الحلاق قال يخرج برا البيت خالص عشان يغير الموضوع تماما
= بقالى اسبوع مبروحش اصل الست اللى بابا يعرفها على ماما ميس الانجليش بتاعتى
الحلاق قرر انه يسكت خالص لحد ما ابوه يجى يوقف جهاز الاذاعه دا
اما دخل ابوه …
يا يوسف قصر شعرك شويه كمان عشان ماما متزعلش منك
قام قايله … لا هى زعلانه منك انت عشان ميس شيرين
قاله ميس شيرين مين ؟!!
فالحلاق رد عليه وقاله … بتاعت الانجليش يا بشمهندس متنكشوش بقى
