بالنسبة للناس اللي كانوا في معبر أرقيين ، فعلا ودوهم الحجر الصحي، اول حاجة ودوهم معسكر الجيش وبعدها ودوهم (المستشفى التابع لجهاز الامن)، كانوا حريصيين انو مافي زول يهرب فكانت الباصات محاطة بالأجهزة الأمنية ، علشان مافي زول يهرب، صراحة زي م قالو انو البيئة مهيئة والمكان نضيف جدا
لكن مافي زول شغال بيهم! الناس دي قاعدة في المستشفى والعساكر بيقولو ليهم حيجوا يفحصوكم ومافي زول بيجيهم ، اضعف الايمان ممكن يجي زول واااحد يفهمهم انو ياخي مثلا م حنعمل فحص نظرا لانو غالي جدا وامكانياتنا ضعيفة فالزول اللي حتظهر عليه اعراض وبدرجة معينة هو اللي حيتفحص
الناس م طالبة شي غير التوضيح ، وفي عدم اهتمام بيهم
الناس ديل حتى اكل م بيدوهم ؟!!!!! وكلهم عايزيين يطلعوا، الاكل دا لو جو قالوا لينا سامي ي جماعة م عندنا ميزانية نأكل العددية دي يميين بالله يجيهم اكل يكفي شهر م اسبوعيين،صحبة ماما عندها سكري قالت للضابط انا عندي سكري وحبوب خلصت
نهرها وقال ليها انا ضابط م دكتور امشي انتظري لمن الدكاترة يجو؟؟! وما في كادر طبي
ليهم حق انهم يحاولون يهربوا من الحجر مادام دا التعامل
والطامة وين في ناس العساكر هربوهم من المستشفى لانهم قرايبهم ، اي والله شغل واسطات ، يعني حاجة زاتو تحييير!
دي م حاجة تهربوا فيها زول علشان قريبكم ، ولا رقاد اسبوعين في عزل صحي م بيقتل اللي حيقتل انو يطلع ويحوم نص الناس
متين حنبقى ناس عندها عقل في راسها دا!!!!!!
عايزيين توضيح بالليل حاصل دا، واذا اصلا محتاجيين كادر طبي او وجبات للمحجوريين م حنبخل عليهم والحاجة حتتسد الليلة قبل بكرة
