اليوم بتكلم ليكم عن بداية معاناتي ويا المرض، الي خلاني امر في اسوء فترة في حياتي، بتكلم ليكم بكل حاجة بالتفصيل

بدايتي ويا المرض كانت في بداية السنة الجديدة ونهاية يناير، وكنت امر بفترة سيئة من الناحية النفسية، وابتدت ب اشياء بسيطه وهي عبارة عن اللم في بطني وانتفاخ، وحقرت الموضوع وقلت ان عادي لان فيي قولون وهذي اعراضه

استمرت الاعراض وياي لمدة اسبوعين تقريبًا وماكنت حاط بالي وياها، لين صادني ضغط فوق الضغوط الي امر فيها وبديت احس ب اللم في رجايلي وزاد الالم في بطني، وصادتني نوبة اسهال "عزكم الله" وظليت متجاهل الموضوع لمدة شهر تقريبًا

بعد شهر قررت اروح المستشفى لان بديت احس ب اعراض الجفاف بسبب الاسهال، واول مارحت للمستشفى سوو لي فحص براز "عزكم الله"، وكان نتيجة التحليل "وجود دم فالبراز وفطريات" ووصفة لي الدكتورة عدة ادوية وظليت ملتزم بالادوية لمدة اسبوع ومافي اي تغير ولا اي تحسن والعكس كانت حالتي تصير اسوء ..

رجعت للمستشفى مرة ثانية وسوو لي تحاليل الدم والبراز، وكانت التحاليل كويسة ومافي دم فالبراز ولا عندي نقص فالهيموجلوبين، وشخصتني الدكتورة ان خلاص الي فيي قولون عصبي وهذي اعراضه، وعطتني مهدئات للقولون