في قصة حلوة كدا ليها علاقه بالكورونا..التشبيه عجبني بصراحة قلت أحطها في ثريد..ايه القصة..

من كام الف سنة كده..قوم سبأ(بلد في اليمن ).كان عندهم جنتين كبار جداجدا لدرجة ان الفاكهة كانت تسقط فروع الاشجار من ثقلها..وكانت مغرقة اهل البلد حرفيا ومعيشاهم في نعيم تام.

حتي ان المؤرخين قالوا ان المرأة كانت تحمل فوق راسها الاناء وتمر فقط تحت الشجر فمن كثرة الفاكهة كانت تسقط بأنواعها فتملأ الوعاء فوق راسها دون ان يقطفها أحد..وطبعا كانت لهم حضارة من اقدم الحضارات في الكوكب وجيش من اقوي جيوش الأرض وقتها اللي الملكة بتاعته كانت بلقيس صاحبة العرش..

وقصتها الشهيرة مع سيدنا سليمان والهدهد

المهم...كان سبب الازدهار بتاعهم ده سد علي النهر كبييير جدا طوله600متر..وعرضه60متر . وارتفاعه16متر..ومخزن الميه ومخلي الجنتين دول يشربوا ويبقوا زي الفل..تمام كده..فل جدا

وبعدين فجأة..مرة واحدة كده حصل شروخ في السد واتكسر تماما..

وطبعا حصل سيول عارمة مسحت الارض تماما ودمرت كل شيء..واصبحت ديارهم خرابا.وانتهت حضارتهم للابد..اي مؤرخ هيقولك طبعا ان السد والميه والارض الخصبة كانت هي سبب الحضارة.

وهيحكيلك ان بسبب الجغرافيا وعوامل التعرية والزلازل مثلا وخلافة انهار السد مع العمر. وخلاص.

قصة منطقيه وواقعية جدا.

حلووو كده..اه تمام..ولكن لما ربنا سبحانه وتعالي هوا اللي حكي القصة لينا في القران..قالك انه سبحانه وتعالي امرهم انهم يشكروا ربنا وبس.

( كلوا من رزق ربكم واشكروا له بلدة طيبة

ورب غفور )

وفي اخر الايتين قال كلمتين اتنين (فأعرضوا. فأرسلنا عليهم سيل العرم)..وبس..