بخصوص موضوع رونالدو امس ابي اتكلم فيه من عدة جوانب .. وبطول بالكتابة اعذروني

قبل مانبدا وعشان ماتجي مدرعم هل رونالدو غلطان ؟ نعم 100٪ ولا له مبرر ابد والموضوع لازم مايمر مرور الكرام ..

الي ابي اتكلم فيه انا الان هو ليه رونالدو الي عنده 36 بطولة وهداف كرة القدم وصل المرحلة ذي وش الي يخليه يعصب ويطلع من طوره

( تفسير وليس تبرير للتصرف )

بالنسبة لي وبعد لقطة رونالدو امس مع جمهور الهلال وهو يقول انا الموجود الحين ميسي غير موجود تأكدت ان وجهة نظري صحيحة

وهي ان رونالدو يشوف انه من صناع التغير في الدوري ويشوف انه جالس يقدم كل ماعنده بالملعب وخارج الملعب من مدح واشادة وتمهيد لتطور الكرة السعودية وفتح الباب لبقية النجوم وكسر الحواجز وتغير الصور الغير صحيحه عن دولتنا

لكن بالمقابل مالقى الاحترام والتقدير من الجمهور السعودي في 90٪ من الملاعب في كل مكان يتم التصفير عليه وترديد اسم ميسي الي سحب على الدوري وهذا غير الحركات الغير اخلاقية الي عند الممر وغيره من ( بعض الجمهور ) وانا شفت بعيني بعضها

هو يقول بنفسه انا جالس اساهم معهم واحاول ولا شفت اي امتنان او تقدير بالمدرجات ( بتقول بفلوس جبناه صح لكن ماهو بالفلوس يتكلم ويهاجم الدوري الفرنسي عشانك )

في الختام انا ما اقول نشجعه ضد انديتنا لا ابدا لكن نعطي الاساطير ( القليل من الاحترام )

اتذكر جمهور لاتسيو والعبارة الشهيره في اخر ديربي مع روما لتوتي

"تحية من أعداء العمر يا توتي"

نكرهك لانك خصم لكن نحترمك لانك اسطورة.

تحياتي