طيب...
ارح نمسك كلام عمنا الدكتور حمدوك دا ونفلفله، و "نقتله" تحليلاً اثناء قهوة الصباح و "ريحة البن" قبل اليوم يبدأ...
والرسالة الليلة:
دورنا شنو ك شعب، في الكلام الكلنا عارفينه دا؟
بعيداً عن اختلافاتنا ومدارسنا، دي الحاجة (يمكن تكون الوحيدة) المتفقين حولها
?? https://t.co/MCDI8LtlPZ
أولاً، نحن مواردنا شنو؟
عندنا موارد كتيرة، اهمها:
- الموية (عندنا البيكفينا وزيادة).
- الارض (اكتر من الهم على القلب).
- حيوانات (حدث ولا حرج).
- القوة البشرية (يدين يعني).
١ و ٢ و ٤ دي الزراعة.
٢ و ٤ دي التعدين.
١ و ٢ و ٣ و ٤ ثروة حيوانية.
٤ براها التطوير.
??
وديل "مراقاتنا" باختصار...
ثانياً، كيف؟
حنرجع لونسة الاقتصاد، الحل الاقتصادي الامثل، وكلنا بنعرفه، زيادة الانتاج...
زيادة الانتاج بتزيد صادر المنتجات، عشان يغطي وارد الحاجات الما عندنا، ويدينا فرصة "نخزن" دهبنا ندعم بيه عملتنا، وحركة اسواقنا الداخلية...
وافتكر دي واضحة
??
تلاتة، البداية وين؟
البداية في الحكومة، توجيه راس المال لاستغلال الموارد الاربعة دي هو المفتاح، يعني تشريعات مؤقتة شغلتها تربح الناس اكتر في الزراعة والثروة الحيوانية والتعدين، رفع قيود، قتل البيروقراطية، والتمويييييييييييل والاهتمام بالزراع ومربيي المواشي الصغار
??
دي مهمة الحكومة، ونحن مهمتنا نضغط عليها تعملها، الدكتور دا وشبابه شغالين عندنا، صاح؟
والضغط دا زاته كيف؟
ابتداء من المبادرات، والاقتراحات والنصيحة، وانتهاء بالكواريك واللساتك. ونصيحتي، اشتغل وبعد داك "نقنق"، يعني نقدم طلب تمويل، وبعد داك نحرق لستك دايرينه يتنفذ (مثلا يعني)
??
