الفترة الي فاتت دي كلها عايز اكتب عن تجارب في محافظات مختلفة بس للاسف كلها هتوقف عند السياسة وانا مش عايز صداع الحقيقة

بس احب اقولكوا ان اكتر محافظة محببه لقلبي في كل محافظات الصعيد هي " المنيا" ❤️❤️❤️

اكتر محافظة مظلومة في كل محافظات الصعيد هي " سوهاج"

??

اكتر محافظة القَبَلية والترابط العائلي فيها كان لعنة علي اقتصادها وعلي تطورها " قنا"

اكتر محافظة نصها شاطر والنص التاني مطحون " أسيوط"

اكتر محافظة قليلة الحيلة رغم كل فرص مواردها واستثماراتها هي " اسوان"

اكتر محافظة قربها من القاهره لعنة عليها وعلي اقتصادها " بني سويف" ??

اكتر محافظة ملامحها ضايعه وحقها مهدور " الفيوم"

اكتر محافظة هتفضل منسية للأبد " الوادي الجديد"

بقول كده ليه كنت بعمل دراسة عن الحاجات التقليدية والتاريخيه لكل مصر وللأسف الملامح بتتمسح ومعظم الاجيال الجديده بتحاول تهرب وتمسح كل ما هو قديم نظرا لمعانات اهاليهم سواء في الزراعة ??

المشغولات التراثية اليدوية فتلاقي الشاب اللي ابوه صنايعي رهيب وفنان في المشغولات اليدوية زي " النْول" بيهرب من الشغلانه لان ابوه و جده ضيع عمره فيها وكان بيكسب ملاليم وكمان في الزراعة تلاقي الاجيال الجديده من الشباب بتهرب من الزراعة مع انها قوام اساسي من اقتصادها عشان شاف ابوه ??

وجده اتبهدلوا وبرضه مكسبوش اي فلوس زي التجاره وغيرها من المهن التانيه

مؤخرا وانا بدور في مجال الأغذية التقليدية بتاعت زمان اللي مصر مشهوره بيها لقيت ما يقرب من 400 اكله من التراث المصري وللأسف بدأت تندثر وتروح نظرا لان الأمهات كان عندها صبر تعمل الأكلات دي وتضيع فيها وقت وجهد ??