دا كلب اتسمم قصاد البيت عندي وبتاع الأمن جه يستنجد بيا يمكن أعرف أساعده بما إن عندي كلاب وجريت عليه أحاول ألحقه

مش قادر أوصف فرحتي باللي عملته دا ويمكن أول مرة في حياتي أعرف يعني ايه دموع فرحة ♥️ https://t.co/JCUevWIhrg

تعمل ايه لو لقيت كلب قدامك مسموم وعايز تلحقه ؟

هو أصح حل إنك تاخده تجري بيه على أقرب بيطري

لو دا مش متاح زيي مثلا فأهم هدف مبدأي إنه يرجع ويجيب اللي أكله وصله لكدا

هات مياه أكسجين وأقراص فحم ولتر لبن ومياه

واتصرف بنفسك يمكن تبقى سبب في إنقاذ روح بتتعذب قصادك ولو بمجرد المحاولة

حط مياه أكسجين على لتر مياه وحاول تشربهاله كلها ، متقلقش مش هيعضك هو مش شايفك أصلا دلوقتي ، امسك راسه ارفعها وافتح بوقه حط الازازة شربه حتى لو عض هيعض الازازة نفسها وبرضو متخافش هو مش معانا خالص دلوقتي

هتفضل تشربه وتهز بطنه وتطبطب عليه بنشفان شوية عشان تحاول تخليه يركز وميفقدش الوعي ، ارفعه من ورا وخلي راسه لتحت وهز بطنه دا هيساعده يرجع أسرع ، لو رجع معاك يبقى بنسبة كبيرة الكلب دا هيعدي منها ، حاول تكمل معاه يرجع تاني ولو لقيت التشنجات والريالة قلت خليك جنبه شوية لحد مايهدى

بعد مايهدى حاول تقديريا كدا تحسب وزنه ولكل 10 كيلو حباية فحم اديهاله وشربله نص لتر لبن ، هو مش هياكل دلوقتي فمتحاولش تأكله ، سيبه يمشي بعدها هو غالبا هيشوف مكان أمان يستخبى فيه ، لو عملت كل دا ومفيش تحسن فخليك جنبه يموت على مشهد إن البشر فيهم حد رحيم