لو معاك فلوس بسيطة وقدامك عدد كبير من الناس وعايز توصل للأكثر احتياجا منهم هتعرف ازاي ؟ وللعلم انت متعرفش الناس دي خالص او اي معلومات عنهم او ظروفهم لكنهم عمال باليومية اكيد كلهم طالعين للشغل عشان يوميتهم واكيد محتاجين مساعدة لكن المبلغ البسيط عايز توصله للأكثر احتياجا منهم؟

امبارح كنت مع حد قالي الكلام ده وعايز يوزع المبلغ اللي طالع من ذمته وبالفعل افكرت بوست كان مكتوب على فيسبوك عشان اعرف الموضوع ده ، ركنت بعيد وروحتلهم سلام عليكم يارجالة والنبي عندي كام نقلة رمل وعايز اطلعهم واللي انتو عايزينه هتاخدوه ان شاء الله ٢

من بين التلاتين عامل ال ٣٠ عامل اللي واقفين طلع منهم ٨ بس قالولي احنا هنروح معاك ، طب مش هتتفقوا ؟ ياعم اللي تدفعه عايزين نروح للعيال بأي فلوس وبارك الله فيما رزق ، طب وانتو يا رجالة ؟ لا مش بنشيل رملة ! طب تعالوا معايا عبو بس ماتشيلوش رفضوا ، طب تعالى ياعم اعملهم شاي بس رفضوا

وفضلت فعلا الح على الباقي ، ياجدعان ايد على ايد تساعد ، اللي مبيقدرش يشيل يعبي او يعمل شاي للرجالة ، رفضوا تماما ، روحت واخد ال ٨ على جنب وزعنا عليهم اللي فيه النصيب ومشينا ، الناس دي مكنتش مصدقة وكانوا فاكرينه الكاميرا الخفية من كتر ماهما مش مصدقين يعني الحوار

واخدنا بعضنا ومشينا وحسيت ان الفلوس دي راحت لأكثر الناس احتياجا من اللي واقفين ، من ال ٨ دول ناس قالت بص انا مليش في شيل الرمل بس هروح معاك ، واقسم بالله لساني وجعني من الإلحاح على الباقي بس الفلوس كانت من نصيب ال ٨ دول ، معرفش ده صح ولا ايه بس حسيت ان دول اكتر احتياجا الحقيقة