١) ثريد سريع عن #لبنان. خلال زيارة قصيرة ليها الأسبوع اللي فات شفت بنزينات بتقفل بدري عشان مافيش بنزين، وده خلى التاكسي يطلب أسعار زيادة ويشتري بنزين بكميات أكبر عشان يتفادى الطوابير الطويلة، طب إيه الحكاية؟
٢) العملة اللبنانية الليرة ثابتة قدام الدولار.. الدولار =١٥٠٠ ليرة. البنوك بتفري أي حد معدي يحط ودايع بالدولار وياخد بيها فوايد كبيرة بالليرة مع وعود إنك لو قررت تغير فلوسك للدولار او تفك الوديعة مش حيبقى فيه اي مشكلة خالص.
٣) البنك المركزي اللبناني قرر يقلل الدولار في ايد الناس العادية ويزود الاحتياطي بتاعه، وده عشان يظبط العجز في ميزان المدفوعات (الدولارات اللي لبنان بتصرفها على الاستيراد اكتر من انتاجها وحجم الاستثمار الأجنبي فيها)، فالبنوك بدأت تصرف دولارات للمستثمرين والتجار الكبار
٤) وترفض تصرف دولار بسهولة للناس الصغيرة. في لبنان ينفع تتعامل بالدولار عادي في اي محل صغير او قهوة بلدي. مافيش فرق. ولما ده حصل، الناس قللت الشرا بالدولار وبدأت تشتري بالليرة. محطات البنزين لقت نفسها مضطرة تشتري بنزين بالدولار ودخلها بالليرة، فمش عارفين يشتروا وحصلت أزمة
٥) مع الأزمة بدأ يحصل زيادة في بعض الأسعار مع خوف وانعدام ثقة في الحكومة. بدأ يحصل كساد في المشتريات الكبيرة زي العربيات، وانخفاض في معدلات ايداع الدولار ورعب عام من تكرار سيناريو انهيار الليرة في أوائل التسعينات
