ثريد عن طريقة المذاكره او تغير طريقة المذاكره في خمس خطوات + تطبيق يساعدك على المذاكرة

اتمنى انكم تستفيدوا♥️

فالبداية احنا مقبلين على اخر شهر من الدراسة وهذا الشهر الاهم في الفصل، هذي فترة الحصاد فطبيعي كل شخص بدا يمل من المذاكرة وطريقة المذاكرة او حتى روتين المذاكرة.

فالتغريدات القادمة بتكلم عن طريقة المذاكرة لي بتحفظ لك تركيزك وبتوفرلك وقتك وبتنجز فيها اكثر بإذن الله.

١-ابتعد عن المشتتات ( الحاسوب ، التلفون ، الازعاج، الموسيقى....الخ) لان انت تريد عقلك مركز للكتب بس.

٢- تاكد انه في طاولة مذاكرتك او مكتبك ١-ماي ٢-سناكس( خفايف) عشان لو لا سمح الله جعت ما تطلع خارج تشرب او تاكل وتحصل شي يلهيك عن المذاكره سواء اكل او اشخاص او فلم.

٣- ? طبيعي اول ما تبدا تذاكر عقلك بيبدا يعطيك افكار جهنمية او يذكرك في اشياء انت ناسنها عشان تلتهى عن المذاكر بس وتسحب على الكتب. الحل هوه انك تخلي دفتر او نوته صغيرة معك عشان تكتب هذي الافكار لي مخك العبقري طلعها وترجع لها بعد ما تخلص، بكذا انت تخلصت من الفكرة الى بعد المذاكرة

٤- ? ساعات المذاكرة: لازم ما تجهد عقلك في المذاكرة لساعات طويلة وتعامله على اساس انه عقل بشري ما كمبيوتر . كيف ؟؟ فيه نظام يسمى pomodoro technique ولي هوه انك تذاكر ٢٥ دقيقة وتاخذ بريك ٥ دقائق.

في الـ٢٥ دقيقة انت لازم تحدد جزء تذاكره يناسب هذا الوقت وتجتهد عشان تنجزه

يتبع.