"منقول"

تجوع البطن والنفس شبعانة.. زينات صدقي لم تجد ايجار منزلها ولم يحضر جنازتها أي فنان

في يوم حلمت في منامها،ان في بيتها مصاحف من الحجم الكبير، والصبح راحت اشترت نفس المصاحف من حي الازهر، وكانوا ضيوفها بتعجبهم المصاحف فاتهاديهم بها https://t.co/QeKunprZxy

مفضلش منها غير مصحف صغير تقرأ فيه وبعد كل قراءة تكتب ورقة صغيرة فيها رسالة لربنا زي ،"يارب افتحها في وشي..يارب هات لي شغل" يارب ارجع تاني اشتغل واسدد ديوني

وكان من بين الرسايل دي يارب تكرم ولاد اختي نادرة، وتهدي لها عيالها https://t.co/s7HJNooYNH

يارب تحنن على قلب صاحب البيت وتخليه يصبر على في دفع الايجار المتأخر..يارب ساعدني ووفقني واكرمني في صحتي وابعتلي شغل

قعدت زينات صدقي 16 سنة في بيتها من غير شغل، مظهرتش الا في "السراب"، و"بنت اسمها محمود" 1975 وده اعلى فيلم اخدت فيه فلوس و كان 500 ج https://t.co/8Yz7eVavEr

واول م الحال يضيق بيها تروح تشتغل في مسارح الشركات والجامعات.

ورغم ظروف الحال الصعبة،كانت في العيد، الناس كلها بتشتري لحمة وزينات صدقي في بيتها بتاكل بتنجان فكانت تاكل راضية ومبسوطة،وتجري ع الاوضه تجيب الصاجات وتغني

راح المال وراس المال وقرايبها يرددوا وراها: ومبسوطين وممنونين https://t.co/88dIo5SkCE

بنت اختها عزة بتقول في حوار كنت دايماً اشوفها بتهزر وتضحك وعمرها ما بكت قدامنا مع اني كنت عارفه انها بتبكي تدخل اوضتها وتقفل على نفسها وتقعد تعيط على حالها من غير م حد ياخد باله

مره قولتلها:ياطنط ما تروحي نقابة الممثلين ولا مبني التلفزيون وتوريهم وشك عشان يفتكروكي ويشغلوكي https://t.co/ij2mGrEs4M