ماتتكلموش عن فلسطين ياولاد لان في ناس شايفه انكم اوڤر اووي !
ومتتكلموش عن التطبيع ياولاد علشان الناس مستغربه انكم لسه بتتكلموا وبترفضوا فكرة التطبيع !
واضح ان الناس دي كمان مستغربه ان لسه في حد عنده طاقه للكلام ومتمسك بكلامه ومبادءه !!
خير ياجماعه في ايه ؟ هو علشان انتم قررتوا انكم تتعاملوا بلامبالاة عاوزين الناس كلها تتعامل زيكم ؟
ايوه ياجماعه عارفين ان كل الحكومات لها علاقات مع الكيان الصهيوني في السر
بس مسألتش نفسك ياجهبذ منك له لها ليه العلاقات دي كانت ف السر ؟
والحكومات دي كانت خايفه من ايه ؟
بأختصار يعني لاني شايف انكم لاتستحقوا عناء الرد عليكم ودي قناعه انا وصلت لها من فترة كبيرة
الكيان الصهوني مش عاوز ومش محتاج تطبيع الحكومات هم عينهم علي التطبيع الشعبي ! ولو سيادتكم مش شايفين ده هيبقى عندكم مشكله كبيرة اووي بصراحه !
روحوا ياجماعه شوفوا صفحات اسرائيل بالعربي وشوفو بوستات وتغريدات
افيخاي ادرعي هتلاقوها موجهه بشكل واضح للشعوب بيحاولوا يجملوا صوره الكيان قصاد الناس ويمحوا الصوره اللي اتزرعت في عقولنا ويمحوا تاريخهم اللي كله دم ومجازر واغتصاب اراضي
ليه ياجماعه مستكترين علي الناس حق الرد ، حق الكلام ، حق اعلان مبادئهم
كون ان اليأس تملكك ده مش مش مبرر يخليك مستغرب ان لسه حد عنده نفس يكمل كلام ومعارضه
كون انك قررت تشوف كل شئ عادي ده برده مش مبرر يخليك تسخر من اي حد شايف الحكايه بعين تانيه عكسك
