يسعد مساكم جميعا

بدنا نحكي عن موضوع بسيط اليوم وان شاء الله تستفيدوا منه ،

الموضوع هو إيش أفضل وقت للتمرين برمضان لكل هدف من الأهداف يلي الناس بتحبها

وهذا بشمل خسارة الوزن ورياضة كمال الأجسام و شوية نصائح عن الأكل والشرب عشان الصيام https://t.co/NnMSpxn1Vr

طبعاً اول اشي يلي حابب يخسر وزن برمضان فهو يعتبر فرصة ذهبية لنزول الدهون بالجسم, باتباع نظام غذائي مناسب وزيادة مستوى النشاط الوضع بكون تمام ،

بالنسبة لوقت التمرين وطبيعته يفضل يكون هرولة أو مشي سريع قبل الافطار بساعة لمدة نصف ساعة, هاي تعتبر طريقة كثير ممتازة و مفيدة في حرق

الدهون بشرط أنه ما تكون شدتها مرتفعة, خليها تكون قليلة الى متوسطة الشدة بس،

ويفضل ممارسة رياضة كمال الأجسام بعد الفطور عشان نحصل أفضل أداء ونتيجة ,

أما بالنسبة للتمرين (كمال أجسام) قبل الفطور لا ينصح فيه لأنه نسبة الجفاف كثير بتكون عالية و الجسم اصلا بكون تعبان و منهك و بحتاج

طاقة, فيفضل أنه التمرين يكون بعد الفطور بساعتين و تكون ماكل وجبة متكاملة من جميع العناصر الغذائية.

طبعاً نظام غذائي بغطي احتياج الجسم من البروتين و الدهون الصحية مع نسبة متوسطة كاربوهيدرات هو عامل مهم جدا عشان توصل لهدفك طبعاً حسب الهدف و طبيعة الجسم.

وكمان لازم ننتبه أنه مش مناسب ابدا إستهلاك مشروبات الطاقة و الكافيين زي القهوة بشكل كبير لأنه الدنيا بتكون بالليل و الاشي باثر عالنوم وبالتالي بضعف الأداء.