صايره انصدم من العادات الغذائيه للناس، وشلون عادي توست مصنع يفردونه ويشكلونه سمبوسه ويقلونه! وشلون شوربه مع قشطه؟ وشلون طبق كله كتكات وسنكرز وقشطه خفق وزبده اخلطهم واحوقهم واحطهم بالثلاجه واسميه حلى؟ وشلون سلطه فيها انواع خضار كلها مقليه؟ وشلون احط شيبس مع سلطه؟
وشلون يهون عليك جسمك تدخلين فيه كل هالسعرات والسكر بوجبه وحده؟ وشلون تأكلين الناس الي تحبينهم اكل كله مواد حافظه واهم ماعليك الطعم وطز بالصحه؟ وشلون كل هالدهون عادي بكل وجبه؟ وشلون اطباق مقليه ورز مبخر بجمره تأكلينهم اياه كل يوم؟
يعني السمنه في ازدياد والعالم بدا يجيها ضغط وسكر من بدري وكل الناس يشكون من ركبهم، والأورام كل عائله صار فيها واحد مريض والدوله تدفع مبالغ عاليه كل هذا ومازال فيه ناس ماعندهم استعداد ينتبهون على اكلهم ويقول لك الموته وحده وهذا اكلنا من زمان ماجانا شي
اذكر وحده زوجها مهتم بالصحه ومايبي القلي وكل ما شم ريحه القلي زعل، قامت ركبت دفاش في باب المطبخ وتقول افتكيت منه، لا وتقولها بزعمها لاقيه حل! رجال ما يبي اكل دسم ليش تجبرينه؟ بعض الناس يتعامل مع الأكل كأنه اهم شي بالحياه ومايتنازل لاعن طعم ولانكهه في سبيل صحته
صار الماجي ينحط في كل الطبخات وإذا خلص الماجي مب طابخين لين يشترونه والماجي الأبيض (الأجينو موتو) يكبونه كب في الجريش والرز، ويقولك الأكل ماله نكهه بدونه، همن تروح تسأل عن وشلون نحفت فلانه وعلانه والا تروح تدخل عمليات عشان تكميم وربط معده
